Gran Sorteo - 500€ en premios
Un Roteiro por Arteixo
Un Roteiro por Arteixo é unha campaña do CCA pensada para convidarte a percorrer o comercio local, descubrir establecementos e participar activamente na vida do noso pobo.
Arteixo está formado por trece parroquias diferentes, pero é no núcleo onde se concentra boa parte da vida comercial, social e cultural. Esta campaña quere poñer en valor ese punto de encontro común e animarte a mercar nas pequenas empresas que fan posible o día a día de Arteixo.
A participación é moi sinxela:
cando realizas unha compra nun establecemento asociado ao CCA, podes pedir a túa tarxeta de participación.
Cada compra superior a 10 € permite selar unha das casas da tarxeta.
Ao conseguir tres selos de comercios distintos, só tes que depositala en calquera das urnas do CCA e entrarás automaticamente no sorteo de 500 € en vales de compra, repartidos en dous premios de 250 €, para gastar nos establecementos asociados.
Con Un Roteiro por Arteixo premiamos a compra local, fomentamos que visites distintos comercios e reforzamos a idea de que mercar aquí é unha forma de facer pobo, crear comunidade e apoiar ás pequenas empresas que dan vida a Arteixo.
Podes consultar aquí as bases completas e toda a información ampliada
Consulta aquí as empresas asociadas ao CCA
Apoios
Esta asociación e todas as actividades que desenvolve é posible grazas ao traballo das nosas socias, ao apoio das institucións e sobre todo, grazas a ti, que cada día apostas por quedar en Arteixo, por mercar na casa, por confiar nas pequenas empresas que fan barrio, que fan comunidade, que fan futuro
