¿Que é O Campamento do CCA?
O Campamento do CCA é moito máis ca un lugar onde deixar ás crianzas mentres as persoas adultas traballan.
É unha proposta pensada con coidado para que cada nena e neno goce, aprenda e se exprese libremente durante o verán, nun ambiente seguro, alegre e respectuoso cos seus ritmos. Un espazo de encontro onde conviven as linguas, as emocións, o xogo e a creatividade, da man dun equipo profesional e entregado.
Aquí non só se fan obradoiros: fanse recordos, amizades e vivencias que deixan pegada.
Este campamento:
Responde á necesidade real de conciliación das familias de Arteixo.
Ofrece unha alternativa educativa de verán con valor engadido.
Potencia a diversidade lingüística e cultural do territorio.
Traballa a intelixencia emocional e o respecto.
Xera comunidade arredor do comercio local e da vida social do noso concello.
¿Quen está detrás?
O Campamento do CCA está promovido e coordinado pola Asociación das Pequenas Empresas de Arteixo (CCA Arteixo), unha entidade sen ánimo de lucro que traballa todo o ano para dinamizar o comercio local e mellorar a calidade de vida da veciñanza.
Este campamento nace como parte dese compromiso: ofrecer un servizo útil, educativo e alegre para as familias, ao tempo que se apoia o talento e a profesionalización das academias locais.
¿Quen o fai posible día a día?
Cada unha achega a súa experiencia en música, danza, idiomas, robótica ou intelixencia emocional, e traballan conxuntamente cun mesmo obxectivo:
Crear un verán que deixe pegada nas crianzas e nas familias.
¿Que farán as crianzas no campamento?
Cada día, as nenas e nenos participarán en dúas actividades diferentes, organizadas por dúas academias especializadas. Esta rotación garante variedade, motivación e aprendizaxe divertida.
Francés con École de Silvie
Aprender xogando a falar outro idioma
Durante as sesións simulan situacións reais —como ir á compra ou visitar unha tenda—, interpretan personaxes, crean pequenas obras de arte con pintura acrílica e escoitan historias que as levan a mundos imaxinarios... sempre en francés!
Inglés con Betty Queiro School of English
Un idioma para vivir, explorar e cociñar xogando
Realizarán xogos de pistas, actividades de cociña, contacontos, experiencias tipo escape room e pequenas representacións teatrais, todo en inglés e adaptado ás idades do grupo.
Música con Escola de Música Entresons
Escoitar, sentir e crear: A música como xogo compartido.
Obradoiros de instrumentos, ritmos, contacontos musicalizados e música en directo, nun espazo para escoitar, crear e expresarse.
Baile con Tropicalia Escola de Baile
Mover o corpo, liberar emocións e expresarse con liberdade
Danzas urbanas, baile latino, coreografías creativas, xogos con música e dinámicas de grupo que fomentan a expresión e a autoestima.
Intelixencia emocional e robótica con Lidia Academia
Pensar, sentir, crear: Un espazo para desenvolver todo o seu potencial
Robótica con LEGO, actividades do método Súper Lupo, informática divertida e obradoiros de autocoñecemento emocional e habilidades sociais.
¿Como é un día no campamento?
Así se estrutura unha xornada tipo:
Un tempo para repoñer forzas, relacionarse e relaxarse. Cada peque trae a súa merenda individual e comparten un espazo tranquilo no que conversar, moverse con liberdade e conectar co grupo.
Servizos complementarios opcionais:
Entrada temperá (8:00–10:00 h)
Comedor con atención (13:30–15:00 h)
Tempo estendido de tarde (15:00–16:00 h)
¿Cando, onde e canto?
✽ Datas
- Do 1 ao 31 de xullo (agás 25)
✽ Lugar
- Academia Betty Queiro – Centro de Arteixo
✽ Idades
- De 3 a 12 anos
✽ Grupos reducidos
- Máx. 10 por monitor/a
✽ Prezos
- 100 € por semana
- 190 € por dúas semanas (non teñen que ser consecutivas)
Inclúe todas as actividades, materiais e acompañamento pedagóxico.
Servizos complementarios
Comedor con atención (13:30 – 15:00 h)
▪ 10 € por día
Servizo de madrugadores e tarde estendida
Intervalos dispoñibles:
- 8:00 – 9:00 h
- 9:00 – 10:00 h
- 15:00 – 16:00 h
Prezos por hora:
- 6 € por hora
Bonos semanais:
- 1 hora/día: 20 €
- 2 horas/día: 40 €
- 3 horas/día: 60 €
Campaña de prazas promocionais
Este verán, mercar no comercio local ten premio!
Dende o CCA lanzamos unha campaña especial coa que podes conseguir prazas gratuítas ou con desconto para O Campamento do CCA. Participar é moi doado:
Fai as túas compras nos comercios asociados ao CCA e entra no sorteo de prazas completas ou con desconto. Só tes que cubrir o formulario e gardar os tickets! Participa no sorteoSorteo oficial do CCA
- Cubre o formulario e participa no sorteo
- Garda os tickets das túas compras en calquera establecemento asociado ao CCA.
- A terceira semana de xuño realizaremos os sorteos. Se resultas premiada, contactaremos contigo por teléfono ou correo, Recorda que pediremos o ticket de compra para vlidar a tua praza.
Sortéanse:
- Prazas semanais completas
- Prazas cun desconto especial
Promocións extra en pequenas empresas de Arteixo
Moitos establecementos asociados tamén lanzan as súas propias promocións e sorteos vinculados ao campamento.
Consulta aquí os comercios participantes e as súas campañas
As prazas promocionais estarán dispoñibles ata esgotarse.
O prazo para usar cada premio rematará uns días antes do inicio da semana correspondente do campamento.
As prazas promocionais estarán suxeitas á dispoñibilidade na semana escollida e non inclúen comedor nin servizos complementarios, que deberán contratarse á parte se se precisan.
Preguntas frecuentes
Si! Podes reservar tantas semanas como queiras. Se reservas dúas ou máis, aplicaráselle un desconto ao prezo final.
Si, para confirmar a praza será necesario realizar o pago no momento da inscrición.
Se a baixa se comunica con máis dunha semana de antelación, poderemos xestionar o cambio de semana ou devolución parcial, segundo dispoñibilidade.
Si, hai servizo de comedor de 13:30 a 15:00 h, que pode contratarse como servizo adicional.
Si! Son servizos complementarios que podes contratar segundo o que necesites: madrugadores (8:00–10:00) e tempo estendido (15:00–16:00).
Si, sempre que haxa dispoñibilidade na semana desexada e dentro dos prazos marcados para canxear o premio.
Contactarémosche directamente por correo electrónico ou teléfono. Tamén o anunciaremos nas nosas redes sociais.
Si, as actividades están pensadas para adaptarse aos distintos rangos de idade, con materiais e dinámicas axeitadas para cada etapa.
Só merenda, unha botella de auga, roupa cómoda e moitas ganas de pasalo ben! Todo o material didáctico e lúdico está incluído.
Actividades únicas cada día, con profesionais apaixonados
Danza, idiomas, robótica, música, intelixencia emocional... Cada semana é diferente e cada día conta. As prazas son limitadas!
Contacto e máis información
¡Se tes calquera dúbida ou necesitas máis información sobre o campamento, estamos aquí para axudarche.
Teléfono / WhatsApp
📍 Organiza:
Asociación das Pequenas Empresas de Arteixo ( Arteixo CCA)
Correo electrónico
Co apoio de: Concello de Arteixo · Xunta de Galicia · Deputación da Coruña